بورك بطريقة اخرى

مساء الياسمين على عيون كل اعضاء المنتدى
اليوم راح اعلمكم بورك ثاني وانشاء الله يعجبكم
يلة راح نبدي
هسة المقادير:-
1 فنجان زيت
1 فنجان ماء
1 بيضة
1 ملعقة كوب بيكنك باودر مع قليل من الملح والطحين حسب الحاجة
ملاحظة1::يمكن ابدال البيكنك باودر بالخميرة

خلصنة من المقادير والحمد لله
هسة عدنة
طريقة العمل:-
نفتح 5 طبقات رقائق من هذي العجينة
ونزيت (ندهنهة بالزيت) اول طبقة بعدين نحط عليهة الطبقة الثانية وهكذا كل منحط طبقة عالثانية نزيتهة اوكي؟؟
اوكي
هسة حطينة الطبقة الخامسة
نحط عالطبقة الخامسة جبن مبروش وية المعدنوس ونحطلة فلفل اسود
بعد هالعملية نفس الشي نفتح 5 طبقات مثل اول مرة ونحطهة عليه
بعدين انقطعه مثلثات او مربعات
حسب الرغبة
ورة ما قطعناهة نرش عليهة كلاص حليب بيه بيضة وحدة وملعقة بيكنك باودر
وبعدين نحطة بفرن حرارته معتدلة
وبعدين انطلعة من الفرن
وريحته مالية البيت
وبعدين تاكلون وتدعون العطر الياسمين
والف الف الف عافية
ملاحظة2::هو انتو راح تشوفون الشغلة اتعبكم وتتعاجزون تسوهة بس ازعل من عدكم لان لازم تجربوهة علمود الاكلة حيل طيبة