بورك بالبتيتة

مساء الياسمين...
اليوم راح اعلمكم اكلة خفيفة وطيبة
تكدرون تقدموهة للخطار

المقادير:-
1 كوب طحين
كمية من البطاطا المسلوقة والمهروسة جيدا
1\4 كوب لبن خاثر
شوية ملح
ودهن

هسة طريقة العمل:-
1- نحط الطحين بماعون
بعدين نضيفلة الملح
وبعدين نضيفله البتيته المهروسة واللبن
نبدي نعجن هذا الخليط عجن زين لحد ميتجانس
ووية العجن تبللين ايدج او ايدك بالمي كلما احتاجيتو حتى تصير عدكم عجينة متماسكة وقابلة للفتح

2- تفتحون العجينةعلى لوحة وتقطعوهة دوائر وتحشون كل قطعة بقليل من القيمة البسيطة الي ممكن تكون لحم اوجبن المبروش وية الكرفس
بعدين نطويهة ونضغط عالاطراف حتى تلتصق
واخيرا تقلوهة بالدهن الغزير وتقدموهة وهي حارة
او انتو تاكلوهة كلهة
وبس بسيطة كلش اريدكم تسوهة اليوم
و الف عافية